Konor Makgregor avtofalokatga uchradi

Ikki vazn toifasida irlandiyalik UFC sobiq chempioni Konor Makgregor (22-6) velosipedda harakatlanib ketayotgan vaqtida uni mashina urib yuborgani malum bo'ldi.

"Hozirgina meni orqadan mashina urib yubordi. Haydovchida ayb yo'q, uning ko'ziga quyosh nuri tushishi bunga sabab bo'ldi. Meni bor tezligida urib yubordi. Hudoga shukur, mening vaqtim kelmagan ekan. Kurash va dzyudoga rahmat  - to'g'ri yiqilish hayotimni saqlab qoldi", - deya voqeani izohlagan Konor. 

SHuningdek, Makgregor xaydovchi uni uyiga eson-omon etkazib qo'yganini ham unutmadi:

"Nik meni urib yubordi va endi velosiped bilan birga uyga olib ketyapti. Hudoga shukur, men shu erdaman va faqat shunisi ahamiyatli".