Konya-2021: Musobaqada qaysi jamoaviy sport turlarida qatnashamiz?

Tashkiliy qo'mita O'yinlarning reglamenti va musobaqada ishtirok eta oladigan jamoalardan kelib tushgan talabnomalar bo'yicha har bir dasturda qatnashadigan davlatlar nomini elon qildi.

Malumki, davlatimiz rahbari o'tgan yili Tokio-2020 Olimpiya o'yinlaridan qaytib kelgan delegaciyamizni qabul qilar ekan, kelgusi Olimpiadalarda jamoaviy dasturlarda ham licenziya qo'lga kiritish bo'yicha aniq vazifalarni belgilab bergan edi. O'zbekiston Milliy Olimpiya qo'mitasi Sportni rivojlantirish vazirligi bilan hamkorlikda bu yo'nalishdagi ishlarni boshlab yuborgan bo'lib, Islom birdamligi o'yinlarida jamoaviy dasturda qatnashadigan 2 ta terma jamoamiz mazkur harakatning amaliy natijasi deyish mumkin.

Bo'lajak musobaqada hamyurtlarimiz gandbol va 3x3 basketbol bo'yicha ayollar o'rtasidagi bahslarda medallar uchun kurash olib borishadi. Kompleks musobaqa qoidalariga ko'ra, jamoaviy sport turlarida ajratilgan kvotalar bo'yicha jahon reytingidagi mos davlatlar tanlab olinadi. SHu bois gandbol va 3x3 basketbol bo'yicha erkaklar, shuningdek, voleybol hamda futbol bo'yicha ham erkaklar, ham ayollar jamoalarimiz kerakli reyting pog'onalariga kira olmagani uchun bu yilgi Islom birdamligi o'yinlarida qatnasha olmaydi. Qura tashlash marosimi 3 iyul kuni bo'lib o'tadi.

Malumot uchun, bir yilga kechiktirilgan mazkur V Islom birdamligi o'yinlari 9-18 avgust kunlari bo'lib o'tadi. Unda O'zbekiston delegaciyasi 23 sport turida 270 ga yaqin atlet bilan qatnashishi rejalashtirilgan.