Konya-2021: SHerzod Tashmatov tibbiy yo'nalish bo'yicha tayyorgarlik bilan tanishdi

MOQ raisi o'rinbosari SHerzod Tashmatov Qo'mita qoshidagi Respublika sport tibbiyoti ilmiy-amaliy markazi shifokorlari bilan bo'lajak musobaqaga tayyorgarlik jarayoni bo'yicha uchrashuv o'tkazdi.

Unda musobaqaga jo'nab ketadigan shifokorlar va ishchi guruh tarkibi yana bir karra ko'rib olindi. Markaz shifokorlari hozirda terma jamoalarimiz musobaqadan avval chuqurlashtirilgan tibbiy ko'rikdan o'tkazilayotgani, ularning salomatligi bo'yicha so'nggi malumotlar qandayligi haqida umumiy hisobot berishdi.

Musobaqaga sanoqli kunlar qolgani bois SHerzod Tashmatov har bir sportchimizning salomatligiga yanada katta etibor qaratish zarurligini takidladi. SHuningdek, suhbat davomida Turkiyada delegaciyamiz uchun kerak bo'ladigan birinchi tibbiy yordam vositalari va boshqa kerakli dorilar ro'yxatini shakllantirish bo'yicha ham fikr almashildi.