Koreyalik mutaxassis O'zbekiston taekvondo WT associaciyasida ish boshladi

Janubiy Koreyalik murabbiy Kim Jin Yung endi O'zbekiston taekvondo terma jamoasida ishlaydi. 

Kim Jin Yung 1981 yil Janubiy Koreyada tug'ilgan. 2000-2007 yillarda Kungxi Universitetida, 2004-2006 yillarda Vusok Universitetida tahsil olgan. 2018 yil Kungxi Universitetida fan nomzodi bo'lgan. 

SHu kunga qadar "Samsung S1" (Janubiy Koreya), "Suvon Sitixoll" (Janubiy Koreya), Sangdji Universitetida taekvondo bo'yicha instruktor, Edju Universitetida instruktor, 2017 yil Global sports bosh direktori va Nazarin universiteti taekvondo terma jamoasi bosh murabbiyi sifatida ishlagan. 

Kim Jin Yung taekvondo 6-dan qora belbog' sohibi. Taekvondo hakami va licenziyadan o'tgan instruktor hisoblanadi. 

Sportchilik vaqtida Janubiy Koreya chempioni, Koreya milliy o'yinlari musobaqada 1-o'rinni olgan, AQSH Boston Universitetlararo Jahon chempionatida 3-o'rinni olgan. Ispaniyada Ochiq Jahon chempionatida chempion bo'lgan. 2010 yil Butunjahon Taekvondo Federaciyasi sertifikati bilan taqdirlangan. 

O'zbekiston taekvondo WTF associaciyasi matbuot xizmati