27 iyu 09:34
Yangiliklar

Boshqalar

Kriket bo'yicha O'zbekiston ochiq chempionatida g'olib aniqlandi FOTOGALEREYA

Poytaxt viloyatining Qibray tumanidagi "ANFA" xalqaro kriket stadionida kriket federaciyasi tomonidan T20 formatdagi birinchi mavsum O'zbekiston ochiq chempionati bo'lib o'tdi.

O'zbekiston kriket federaciyasining yillik-taqvim rejasidan o'rin olgan musobaqada Toshkentning "ANFA", "Indian cricket Tashkent Club", "Tashkent super kings", "Tashkent super stars", Qashqadaryo viloyatining "Barlos" hamda Farg'onaning "Fergana Rangers" jamoalari bosh sovrin uchun o'zaro bahs olib borishdi.

Bir hafta davom etgan chempionatda raqib jamoalarini ortda qoldira olgan Toshkentning "Tashkent Super Stars" hamda Farg'onaning "Fergana Rangers" jamoalari finalgacha etib keldi. Hal qiluvchi final uchrashuvida 187:128 hisobida g'alaba qozongan "Fergana Rangers" jamoasi birinchi o'rinni qo'lga kiritdi.

CHempionatining taqdirlash marosimida O'zbekiston kriket federaciyasi bosh kotibi Fazliddin Ibodullaev ishtirok etib, birinchi o'rin uchun ajratilgan 25 000 000 so'm pul mukofoti hamda kubokni "Fergana Rangers" jamoasiga tantanali tarzda topshirdi.

SHu tariqa kriket bo'yicha T20 formatdagi O'zbekiston ochiq chempionatining birinchi mavsum bellashuvlari yakunlandi. Ushbu ochiq chempionat milliy terma jamoaga saralash vazifasini ham o'tab berdi.