Krouford rejadagidan avvalroq faoliyatini yakunlamoqchi bo'lgan ekan

O'sha jangdagi g'alaba Kroufordni beshta vazn toifasida jahon chempioni va uchta vaznda mutlaq jahon chempioniga aylantirdi.

"G'alaba yoki mag'lubiyat, 1000 foiz [ketmoqchi edim], - dedi Krouford The Pivot nashriga bergan intervyusida. - O'quv-mashg'ulot yig'inida boshimdan kechirganlarimning hammasi. Errol Spens bilan jangdan keyin [2023 yilda] ketmoqchi edim. Boks meni haydab yuborishini xohlamadim".

Kroufordning so'zlariga ko'ra, gap nafaqat barcha yutuqlardan so'ng yangi maqsadlarni izlashda, balki uning tanasi yana qancha chidashga tayyorligida ham edi.

"Qachongacha og'riq va boshqa gapirilmaydigan ko'ngilsizliklarni boshdan kechirishga tayyorsan? Bularning hammasidan yana necha marta o'tmoqchisan? "Kanelo" o'yin oxiridagi so'nggi jangchi edi. Men cho'qqiga chiqdim. Endi yana qaerga boraman?", - deya qo'shib qo'ydi Krouford.

Faoliyatini yakunlaganini rasman elon qilganidan so'ng, ko'pchilik uning qaroriga shubha qildi, ammo u tom manoda boksdan keyingi hayot uchun o'zini saqlab qolishga ahd qildi.

"Butun kuchimni shu erda qoldirib nima qilaman? Nima uchun energiyani boshqa narsaga, bolalarimga qoldirmasligim kerak. Men boksdan keyin to'laqonli hayot kechirishni istayman, - dedi Krouford. - Uzoq qolib ketgan bokschilarga o'xshagim kelmaydi. Ular o'z ishlarining natijalaridan zavqlana olmaydilar. Bolalar bilan o'ynay olmaydi. Suhbatni ham qo'llab-quvvatlay olishmaydi. Bu ham rol o'ynadi".

Kroufordda esa boksga qaytish uchun sabab yo'q, masalan, Tayson Fyuri kabi, u tez orada faoliyatida beshinchi marta ringga qaytadi.

"Men mamnunman. Men istagan narsamga erishdim va buni o'zimcha bajardim. Boshqa isbotlaydigan gapim yo'q. Albatta, bu ajoyib tuyg'u, achchiq-chuchuk, lekin shunga qaramay, men uni his qildim. SHuning uchun hozirgi holatimdan mamnunman", - deya so'zlariga yakun yasadi Terens.