Kuba boks federaciyasi prezidenti: "Kuba va O'zbekiston do'st mamlakatlar hisoblanadi. Biz birgalikda yuqori natijalarga erishmoqchimiz"

Kuba boks federaciyasi prezidenti Alberto Puig aeroportda OAV xodimlari uchun intervyu berdi. 

- Bu O'zbekistonga birinchi tashrifingizmi?

- O'zbekistonga oldin ham kelgandim. 2016 yil Butunjahon boks seriyasi musobaqasi finalida kelgandim. O'sha jangda ajoyib natija qayd etgandik. Endi shu erda o'quv-mashg'ulot yig'inlarida ishtirok etmoqchimiz. Bu er - Olimpiya chempionlari mamlakati. O'zbekiston va Kuba sovrindor bokschilarni o'zida jamlagan mamlakatlar hisoblanadi. 

- Serbiyada nechta medal qo'lga kiritishni maqsad qilgansiz?

- Jahon chempionatida medallar uchun kurash barcha uchun qiyin bo'ladi. SHuni taxmin qilamanki, Kuba va O'zbekiston terma jamoalari 7 ta oltin medalni qo'lga kiritishadi. 

- Yana qaysi mamlakatlarni favoritlar sifatida etirof etasiz?

- Rossiya, Qozog'iston, Angliya, shuningdek Ozarbayjon hamda mezbon Serbiya mamlakatlarini medallar uchun asosiy davogar mamlakatlar sifatida qayd etgan bo'lardim. 

O'zbekistonga uch nafar Olimpiada chempioni bilan keldik. SHuni aytishni istardimki, Kuba va O'zbekiston do'st, qardosh mamlakatlar hisoblanadi. Biz birgalikda tayyorgarlik ko'rib, yuqori natijalarga erishishimizga umid qilaman.

Eslatib o'tamiz, O'zbekiston va Kuba terma jamoalari endi 22 oktyabrgacha Yangiobod bazasida qo'shma o'quv-mashg'ulot yig'inlari olib borishadi va o'sha kuni JCHda ishtirok etish uchun Serbiyaga jo'nab ketishadi. 

O'zbekiston boks federaciyasi matbuot xizmati