Kubadagi "IBA CHempionlar oqshomi" ringga ko'tarilgan har ikki bokschimizda ham mag'lubiyat

Biz uchun ahamiyatlisi, turnir kardida ikki bokschimiz - Madiyar Saidrahimov va Mujibillo Tursunovlar ham ringga ko'tarildi. Mujibillo Tursunov olti raund to'liq davom etgan jangda ham Olimpiya o'yinlarining uch karra bronza medali sovrindori, uch karra jahon chempioni, kubalik Lasaro Alvaresga imkoniyatni boy berdi. 

Madiyar Saidrahimov esa oqshomning markaziy jangida Olimpiya o'yinlarining ikki karra g'olibi, besh karra jahon chempioni Xulio Sezar la Krusga qarshi ringga chiqdi. Jang oldidan har ikki davlat madhiyalari yangradi. O'n raund to'liq davom etgan jangda hakamlar bir ovozdan g'alabani mezbon bokschiga berishdi.

Umuman olganda, jahon va Kuba boksi yulduzlari o'rtasidagi qarama-qarshilikning barcha janglarida ring egalari zafar quchishdi.