Kurash. ROZSKdagi musobaqada Toshkent shahri Toshkent viloyatidan ustun keldi

16 fevral kuni bo'lib o'tgan ushbu turnirda umumiy hisobda 10 ta jang bo'lib o'tdi. Ushbu 10 ta jangdan 7 tasida mezbonlar - Toshkent shahri vakillari g'olib chiqqan bo'lsalar, yana 3 ta jangda Toshkent viloyati terma jamoasi kurashchilari g'alaba qozondi. SHu tariqa mezbonlar ushbu qarama-qarshilikda 7:3 hisobida g'alaba qozondilar.

Takidlab o'tish lozimki, sovrin bu safar toshkentlik kurashchilarda qoldi. Yana bir qancha muddatdan so'ng ular boshqa viloyat terma jamoasiga "chaqiriq" tashlaydilar. Ushbu janglarda g'olib chiqqan terma jamoa kurashchilari esa ko'chma sovrinni qo'lga kiritish bilan birgalikda, o'zi istagan raqibga "chaqiriq" tashlash imkoniyatiga ega bo'ladilar.