Kurashchi-qizlarimiz Yangiobodda mashg'ulot o'tkazishyapti FOTOREPORTAJ

Anatoliy Ibragimov va Ahmed Kagarmanov murabbiyligidagi kurashchi-qizlarimiz ushbu o'quv-mashg'ulot yig'ini orqali 6-9 may kunlari Bolgariyaning Sofiya shahrida o'tkaziladigan Tokio Olimpiadasiga yo'llanma beruvchi jahon licenzion turniriga tayyorgarlik ko'rishyapti. Bu musobaqa nafaqat ayollar kurashi, balki erkin va yunon-rum kurashchilarimizga Olimpiada yo'llanmasini qo'lga kiritish uchun so'nggi imkoniyat bo'ladi. 

Malumot uchun, yaqinda Qozog'istonda o'tgan Osiyo licenzion turniridan so'ng erkin va yunon-rum kurashi terma jamoalarimizda Tokio Olimpiadasi licenziyalari soni 8 taga etdi, yani har ikki terma jamoamizda ham 4 tadan yo'llanma bor. Qizlarimiz esa hozircha bu imkoniyatdan foydalana olishmadi. SHu sababli Sofiyadagi turnirda ayollar terma jamoamiz to'liq - 6 ta vazn toifasida ishtirok etadi.      

O'quv-mashg'ulot yig'inida 20 nafar kurashchi-qizlarimiz ishtirok etmoqda. Mashg'ulotlar kuniga uch mahaldan olib borilyapti. 18 aprelda boshlangan yig'in 1 mayga qadar davom etadi.