18 jan 13:45
Yangiliklar
Sport kurashlari, Kurash
Kurashchilarimizdan medallar shodasi, Toshkentda Olimpiada licenziyasi uchun turnir o'tkaziladi
Ozarbayjon poytaxti Boku shahrida sport kurashlari bo'yicha yoshlar o'rtasida Mushvig Isaev xotirasiga bag'ishlangan ananaviy xalqaro turnir bo'lib o'tdi.
Etiborlisi, musobaqa Olimpiya vazn toifalarida o'tkazildi.
Xabaringiz bor, joriy
yilning 6-18 oktyabr kunlari Argentina poytaxti Buenos-Ayresda III yoshlar
Olimpiya o'yinlari bo'lib o'tadi. Unga qadar barcha qitalarda ana shu
Olimpiya o'yinlari uchun licenzion musobaqalar tashkil etiladi. Osiyo
mintaqasida Argentinaga yo'llanma beruvchi qita chempionati mamlakatimiz
poytaxti Toshkentda shu yilning 10-13 may kunlari bo'lib o'tadi.
Aytish kerakki, Bokudagi
xalqaro turnir terma jamoamiz murabbiylar shtabi uchun aynan manu shu
muhim musobaqa oldidan yosh polvonlar imkoniyatini chamalab olish, terma
jamoaga munosib nomzodlarni saralashda qo'l keldi. Mushvig Isaev xalqaro
xotira turnirida mezbonlardan tashqari Rossiya, Qozog'iston, Gruziya va
O'zbekiston terma jamoalari ishtirok etishdi.
Musobaqa yakunlariga
ko'ra yunon-rum kurashi bo'yicha bahslarda gilamga chiqqan yosh polvonlarimizdan
Abror Nurmuhamedov oltin, Bekzod Ahmedov kumush, Muhammad Poyonov va
Xusanxon Yunusxonovlar bronza medallariga sazovor bo'lishdi. Yakunda
yunon-rum kurashi bo'yicha terma jamoamiz umumjamoa hisobida 3-o'rinni
egalladi.
Erkin kurash bo'yicha
tashkil etilgan bellashuvlarda esa terma jamoamiz azolaridan Umidjon
Jalolov va Muhammadrasul Rahimovlar oltin medalni qo'lga kiritgan
bo'lsalar, Nodir Rahimov kumush, Zafarbek Otaxonov esa bronza medaliga ega
chiqishdi. Ushbu natijalari evaziga erkin kurash bo'yicha terma jamoamiz
musobaqani umumjamoa hisobida ikkinchi o'rinda yakunladi.
May oyiga qadar yoshlar
terma jamoamizni yana bir qator xalqaro turnirlar va o'quv-mashg'ulot
yig'inlari kutib turibdi. Ular orqali murabbiylar shtabi Osiyo chempionatida
yurtimiz sharafini himoya qiladigan sportchilarni aniqlab olishadi.
Havola :
Manba : olympic.uz
Fikrlar