Kurashchilarimizga barcha masalani Qozog'istonda hal qilish vazifasi qo'yildi

Kecha sport kurashlari bo'yicha terma jamoamizning o'z oldiga qo'ygan maqsadlari muhokama markazida bo'ldi.

ZOOM platformasida bo'lib o'tgan uchrashuvda MOQ raisi Rustam SHoabdurahmonov, Sport yakkakurashlari bo'yicha Respublika oliy sport mahorat maktabi direktori Bahodir Mamatnazarov, O'zbekiston sport kurashlari associaciyasi bosh kotibi SHuhrat Mamadaliev, terma jamoa murabbiylari va shifokori, shuningdek, MOQ xodimlari ishtirok etishdi.

Takidlash joiz, sport kurashlari bo'yicha terma jamoamizni kelasi oydan masuliyatli startlar kutib turibdi. Dastlab aprel oyida Qozog'istonning Olma-ota shahrida Osiyo qitasi uchun, so'ng Bolgariyaning Sofiya shahrida jahon miqyosida o'tadigan licenzion turnirlar bor. Uchrashuvda ushbu musobaqalarga olib borilayotgan tayyorgarlikka alohida ahamiyat qaratildi.

“Epidemiologik vaziyat keskinlashmoqda. Sportchilarimizni qattiq nazoratga olinglar. Xudo ko'rsatmasin, infekciya yuqtirib olishsa, licenzion musobaqagacha to'liq tiklanishga ulgura olmasligimiz mumkin. SHuningdek, butun dunyoda vaziyat xavfli tus olmoqda. SHuning uchun, imkon boricha Olma-otaning o'zida barcha licenziyalarni hal qilib olish kerak. Parij Olimpiadasiga ham 3 yildan ko'proq vaqt qoldi. Bu muddat ham ko'z ochib yumguncha etib keladi. Xanchjou-2022 va Parij-2024 musobaqalariga tayyorgarlik davomida selekciya ishlari obektiv bo'lishini so'rab qolamiz. Zaxiramizni kuchaytirish orqali kuchli ichki raqobat paydo qilishimiz kerak. Hukumatimiz ushbu musobaqalarga hozirlik ko'rishimizni qo'llab-quvvatlamoqda”, – dedi Rustam SHoabdurahmonov.

Suhbat davomida murabbiylar shtabi Xanchjou va Parij musobaqalariga rejalar xususida ham to'xtalib o'tishdi. Unga ko'ra, Ilyas Bekbulatov va Bekzod Abdurahmonovni ham Parij Olimpiadasiga tayyorlanadigan tarkibda ko'rish mumkin.

Ahamiyatlisi, rejaga ko'ra Bekbulatov -74 kg, Abdurahmonov esa -86 kg vazn toifalariga o'tishi kutilmoqda.

MOQ raisi onlayn uchrashuvda associaciya mutasaddilariga sportchilarning salomatligini qattiq nazoratga olish, o'quv-mashg'ulot nazoratini yanada kuchaytirish borasida ko'rsatmalar berib o'tdi.