Lazizbek Mullojonov: Birinchi jangdagi kabi qiynalmadim

Lazizbek g'alabadan so'ng jang haqidagi fikrlari bilan o'rtoqlashdi.

«Jang yaxshi o'tdi. O'zimni birinchi jangdan ko'ra yaxshi his qildim. O'ylaganimdek jangdan-jangga ochilib boryapman. Bu raqibim ham bo'ydor ham zarbalari kuchli ekan. Lekin birinchi jangdagi kabi qiynalmadim.

Keyingi raqibim Armanistondan bo'ladi. U bilan harbiy bokschilar o'rtasidagi jahon chempionatida to'qnash kelganmiz va o'shanda g'alaba qozongandim. Endi biz yana jang qilamiz. Kim kuchliligini ring ko'rsatadi», - dedi Mullojonov.