“Learn to Swim Program” dasturi mahalliy murabbiylar kelajagi uchun yangi platforma bo'ldi

5-12 may kunlari tashkil etilan navbatdagi dasturda Respublikamizda yosh suzuvchilarga murabbiylik qilayotgan mutaxassislar ishtirok etishdi. Seminarning yakunida unda muvaffaqiyatli qatnashgan 25 nafar trenerga sertifikatlar topshirildi.

Ushbu seminar Butunjahon suzish federaciyasi (World Aquatics) shafeligida Yoshlar siyosati va sport vazirligi, Milliy Olimpiya qo'mitasi hamda O'zbekiston suzish federaciyasi bilan hamkorlikda tashkil etildi. 

Tadbirning so'nggi kunida MOQ raisi maslahatchisi Alisher Karimov, mamlakat suzish federaciyasi bosh kotibi Alisher G'aniev, shuningdek, World Aquatics tomonidan jalb etilgan amerikalik taniqli ekspert Genadius Sokolovas ishtirok etib, murabbiylarni kursni muvaffaqiyatli tugatishgani bilan qutlashdi.

Qayd etish joiz, amerikalik ushbu mutaxassis sohada ulkan tajribaga ega bo'lib, faoliyati davomida AQSH terma jamoasi safida bir necha yil ishlagan. Seminar zamonaviy qo'llanmalar va taqdimotlardan foydalanilgan holda nazariy hamda amaliy darslarni o'z ichiga oldi.

Bundan avval tashkil etilgan seminar suzishni endigina o'rganayotgan yosh bolalarga murabbiylik qilayotgan mutaxassislar uchun o'tkazilgan edi. Bu gal undan keyingi bosqichda murabbiylarning mahoratini oshirish mavzusiga ahamiyat qaratildi.