"Leykers" bosh murabbiy Frenk Vogelni istefoga chiqardi

Vogel jamoa tarixidagi 27-bosh murabbiy bo'ldi. Faoliyati davomida Vogel klub bilan 225 o'yinning 127 tasida g'alaba qozondi (56,4 foiz). SHuningdek, "Leykers" ushbu murabbiy bilan 2019/20 mavsumda NBA chempionligini qo'lga kiritdi.

Ammo afsuski, "Los-Anjelas Leykers" bu mavsumda NBA pley-inda qatnasha olmaydi va klub muntazam chempionatni 33 ta g'alaba, 49 ta mag'lubiyat bilan yakunladi.

"Men Frenkni maydonda ham, undan tashqarida ham juda hurmat qilaman. Frenk ajoyib murabbiy va yaxshi inson. 2019/20 yilgi mavsumda bizni NBA chempionligiga olib chiqqan ishi uchun biz undan doimo minnatdormiz. Bu nihoyatda qiyin qaror, ammo hozirda biz buni zarur deb hisoblaymiz. Biz hammamiz Frenk va uning oilasiga eng yaxshi tilaklarimizni tilab qolamiz", - dedi "Leykers"ning vice-prezidenti va bosh direktori Rob Pelinka.