Licenzion musobaqaga kim boradi?

SHubhasiz, ushbu musobaqalar orasida taekvondochilarimizdan ham ulkan natijalar kutmoqdamiz. Bugun MOQ raisi o'rinbosari, O'zbekiston taekvondo WT associaciyasi raisi SHerzod Tashmatov terma jamoa murabbiylar shtabi bilan mazkur musobaqaga tayyorgarlik rejalari xususida yig'ilish o'tkazdi.

Reglamentga ko'ra, taekvondo bo'yicha Olimpiya o'yinlari licenziyalari reyting va mintaqaviy turnirlar orqali taqsimlanadi. 2019 yil yakuni bo'yicha Nikita Rafalovich -80 kg vazn toifasida Tokio-2020 yo'llanmasiga ega bo'lgan. Oldinda birgina Osiyo qitasi uchun yo'llanma beruvchi licenzion turnir qoldi xolos. Musobaqa reglamenti bunda 3 nafar sportchimizni (1 nafar erkak va 2 nafar ayol) turnirga qo'yishga imkon beradi. Terma jamoada esa raqobat juda kuchli. Deyarli har bir Olimpiya vazn toifalarida ushbu musobaqada ishtirok etishga munosib sportchilarimiz bor. SHu bois murakkab tanlovni amalga oshirish uchun hozirda etti emas, etmish marta o'lchash kerak bo'ladi.

Kecha murabbiylar shtabi bilan bo'lib o'tgan uchrashuvda licenzion musobaqaga tayyorgarlik bosqichlari, o'quv-mashg'ulot yig'inlarini to'g'ri tashkil qilish kabi masalalar ko'rib chiqildi. SHuningdek, har bir vazn toifasidagi sportchilarimizning imkoniyatlari, bo'lajak musobaqada ularga raqiblik qilishi kutilayotgan sportchilar va ular bilan raqobatdagi taxminiy imkoniyatlari chamalab chiqildi.

Yig'ilish yakunida taekvondochilarimizning sport formasini doimiy kuzatib borish va licenzion musobaqaga o'sha davrga kelib ruhiy va jismoniy jihatdan tayyor bo'lgan sportchigina tanlab olinishi takidlandi. Malumot uchun, kelasi yil o'tkaziladigan licenzion musobaqada faqat final yo'llanmasini qo'lga kiritgan taekvondochilargina Tokio-2020 yo'llanmasiga ega bo'lishadi.