Licenziya uchun so'nggi imkoniyatdan foydalanadigan ayollar kurashi jamoamiz tarkibi malum

Barcha qita kurashchilari Parij-2024 Olimpiadasiga beriladigan licenziyalarni qo'lga kiritish uchun so'nggi imkoniyatdan foydalanishadi. Ular orasida tabiiyki, O'zbekiston sport kurashlari terma jamoasi ham bo'ladi. Bishkekdagi Osiyo licenzion turniridan keyin O'zbekiston sport kurashlarida 7 ta licenziya bor. Yana 11 ta Olimpiada yo'llanmasini qo'lga kiritish imkoniyati bor.   

Olimpiya o'yinlarida umumiy hisobda 18 ta vazn toifasida medallar jamlanmasi o'ynaladi - erkin kurash (6 ta), yunon-rum kurashi (6 ta) va ayollar kurashi (6 ta). Abdurauf Bozorboev murabbiyligidagi ayollar kurashi terma jamoamiz Bishkekdagi turnirda 1 ta licenziya qo'lga kiritib, bu borada yangi tarix sahifasi ochgan edi. Aktenge Keunimjaeva (-50 kg) o'z yo'llanmasi bilan Olimpiadada qatnashadigan birinchi o'zbek kurashchisi sifatida tarixga kiradi. 

Bizga etib kelgan malumotlarga tayanadigan bo'lsak, Istanbuldagi so'nggi licenzion turnirda 3 nafar kurashchi qizimiz Parij-2024 Olimpiya o'yinlariga beriladigan yo'llanmalar uchun bahs olib boradi. SHohida Ahmedova (-53 kg), Layloxon Sobirova (-57 kg) va Nabira Esenbaeva (-68 kg) Istanbul gilamlarida licenziyalar uchun bahslarga kirishadi.