Liliya SHakirova ommaviy janjal ko'targani uchun musobaqadan chetlatishgani haqida gapirdi

"Kurash bilan professional tarzda shug'ullanib kelayotganimga 15 yil bo'ldi. Meni O'zbekistonda ko'pchilik yaxshi kurashchi sifatida bilishadi. Ammo, bazi bir voqealar sabab sportning boshqa turiga o'tganman. 

Bu voqea O'zbekiston chempionatida sodir bo'lgan. U erda olimpiada yo'llanmasi o'ynalayotgan edi. Raqibam mag'lub bo'lishni xohlamagandi. Men uni yutishim aniq edi. U esa meni quyushqondan chiqaruvchi harakatlarni boshladi. Men o'zimni tutib tura olmadim. Bu mening xatoyim edi. Biz mushtlashishni boshladik. Butun jamoa mushtlashishni boshladi, u erda faqat qizlar edi. Murabbiylar ajratish o'rniga o'zlari qo'shilib urshishdi. Janjalni meni do'stlarim to'xtatishdi. 

Hammasi soniyalar ichida sodir bo'ldi. Menda jarohat bo'lmagandi, lekin ulardan ikki kishini darxol shifoxonaga olib ketishdi. Keyinchalik esa meni 2 yilga diskvalifikaciya qilishdi. Bu ishlar 2017 yili sodir bo'lgandi", -dedi Liliya SHakirova.