Lomachenko navbatdagi jang oldidan qanday fikrlar bildirdi?

Uch vazn toifasida sobiq jahon chempioni Vasiliy Lomachenko (14-2, 10 KO) yaponiyalik bokschi Masayoshi Nakataniga (19-1, 13 KO) qarshi jang oldidan jurnalistlar bilan suhbatlashdi.

"Ringga qaytayotganimdan juda ham xursandman va boksda kim ekanligimni ko'rsatmoqchiman. Jangda tomoshabinlarning ishtiroki juda muhim. Ular bokschilarni turtib turishadi va bizga kuch beradi.

Nakatani - chidamli va bo'yi baland bokschi yigit. SHuning uchun men uni raqib sifatida tanladim. Men kimgadir nimanidir isbotlashim kerakligini his qilyapmanmi? Men o'zimga, jamoamga, otamga, oilamga va meni doimo qo'llab-quvvatlab kelgan do'stlarimga isbotlashim kerak.

Men o'zimning eng yaxshi mahoratimni namoyish qilmoqchiman va yana kimligimni ko'rsatmoqchiman ", - dedi Lomachenko Top Rank rasmiy matbuot anjumanida.

Eslatib o'tamiz, Lomachenko - Nakatani jangi 26 iyundan 27 iyunga o'tar kechasi Las-Vegasda (Nevada, AQSH) bo'lib o'tadi.