Madrimov Metkalf emas, Magomed Kurbanov bilan jang qiladimi?

Suhbat davomida bokschi superyarim o'rta vazn toifasining mutlaq chempioni hisoblangan Jermell CHarloni tanqid ostiga oldi.

"Jermell CHarlo bizning divizionimizni o'ldirishda davom etmoqda. U bir yildan buyon ringga chiqmaydi, to'rttala tashkilotdagi munosib yigitlarning titul uchun kurashishiga to'sqinlik qilmoqda.

Hozir Tim Czyu hamda Mendosaning WBO va WBC yo'nalishlarida vaqtinchalik kamarlari bor. WBA va IBF esa shuncha vaqtdan buyon CHarloning qarorini kutadi. Bu yigit formasini yo'qotgan, bu aniq. Uni eng kuchli, deb bo'lmaydi. Qolganlar o'z tarixini yozishlari uchun uni to'rtta kamardan mahrum qilish yoki tatilga chiqarish vaqti keldi.

Isroil Madrimov va men WBA reytingida birinchi va ikkinchi o'rinlarda boryapmiz. Biz qon bilan bu o'ringa erishdik. Endi esa chempionlik uchun kurashda eng kuchlilarni aniqlashimiz shart.

IBF'da ham shunday vaziyat: Bahrom Murtazaliev va Jek Kulkay yangi chempionni aniqlashi kerak", - dedi rossiyalik bokschi.

Avvalroq, Matchroom Boxing promouterlik kompaniyasi rahbari Eddi Xirn Isroil Madrimovning britaniyalik Jeyms Metkalf bilan jang qilishi ehtimoli baland ekanini aytgan edi.