Madrimov Murodjon Ahmadalievning Naoya Inouega qarshi ehtimoliy jangi haqida gapirdi

"Inoue qochyapti. U biladi, bu vaznda Murodjon eng qiyin raqib va biz ko'rib turibmiz-ki, Murodjon Ahmadaliev uni bemalol yuta oladi. SHu boisdan ham u boshqa raqiblarni tanlayapti. Jangdan ochiqchasiga qochyapti, desak ham bo'ladi. CHunki kamar hozir unda. Vaziyat qanday bo'lishini endi ko'ramiz. 

Lekin ishonamiz-ki, Murodjon Ahmadaliev yana o'z mavqeini tiklab, O'zbekistonga kamarlarni olib keladi. Bu biroz keyinroq bo'lishi mumkin. Sababi, Inoue qochyapti. Qachonki, Naoya ketmasdan, barcha kamarlarini himoya qilsa, Murodjon Ahmadaliev undan barcha titullarini tortib olishi mumkin", dedi Isroil Madrimov.

Avvalroq, "Matchroom" promouterlik kompaniyasi rahbari Eddi Xirn WBA'ning Naoya Inoue va Murodjon Ahmadaliev jangi uchun yana bir bor buyruq bergani haqida malum qilgan edi.