Makgregor - Pore 3. Trilogiya yozda o'tkaziladi

Bu malumotni shaxsan UFC prezidenti Dana Uayt ham o'z intervyusida tasdiqladi. Uning aytishicha, trilogiya shu yilning yozida o'tkazilishi mumkin ekan.

"Ayni paytda Dastin Pore reytingda birinchi o'rinni egallab turibdi. Konor esa oltinchi pog'onadan joy olgan. Agar ularning har ikkisi ham o'zaro yana bir bor jang o'tkazishni istashsa, trilogiya albatta amalga oshadi. Biz bu jangni yozda o'tkazishga tayyormiz", — deya Uaytning so'zlarini keltirmoqda MMA Fighting.

Eslatib o'tamiz, Dastin Pore va Konor Makgregor o'zaro ikki bor oktagonda to'qnash kelishgan. 2014 yilda o'tgan ilk jangda Konor birinchi raunddayoq g'alaba qozongandi. O'tgan oy o'tkazilgan revanshda esa Dastin ikkinchi raundda Konorni nokautga uchratib, muvozanatni tiklagandi.