Makgregor TUF 31 shousi uchun o'z jangchisini tarkibga qo'shib olgani haqidagi mish-mishlarga izoh berdi

Ikki vazn toifasida sobiq UFC chempioni Konor Makgregor menejer Daniel Rubinshteynga javob qaytardi. 

Rubinshteyn avvalroq Konorni TUF 31 shousi uchun tarkibdagi uch nafar aralash yakkakurash ustasini chiqarib yuborib, o'z jangchilarini olib kelganini yozgan edi: "Ken Kross, Mitch Ramires va Brendon Jenkinslar Konorning uch yigiti shouda qatnashishi uchun joy bo'shatishdi".

Konor esa buning yolg'on ekanini malum qilib, javob qaytardi:

"Bu yolg'on. Men bu ko'rsatuvda faqat bir yigitni bilaman va u o'zini ko'rsatdi. Men hech narsa so'ramadim. Va men odamlarni chiqarib yuborganim yo'q. Men shunchaki o'zimni o'yinga qaytarishga harakat qilyapman".