Marrakesh. Karbales-Baena 5 yil deganda chempion bo'ldi

Dunyoning 82-raketkasi bo'lib turgan Baena 3 daqiqasi kam 3 soat davom etgan final uchrashuvida ATP reytingida 126-pog'onadan joy olgan franciyalik Aleksandr Myullerni 4/6, 7/6(3), 6/2 hisobida mag'lubiyatga uchratdi. Bu tennischilarning o'zaro o'tkazgan ikkinchi uchrashuvi edi - 2:0. 

Karbales-Baena final bahs davomida 2, Myuller esa 8 ta eys zarbani amalga oshirgan. Qo'shxatolar Aleksandrda ko'proq bo'ldi 2 ga 5. Karbales-Baena 2018 yildan buyon ilk sovrinini qo'lga kiritdi. U 250 reyting ochkosi hamda 85,605 evro mukofot puliga ega bo'ldi. Myuller esa bir haftalik mehnatidan 150 ball hamda 49,940 evro ishlab oldi.