14 dek 08:46
Yangiliklar

Dzyudo

“Masters”. Muhammadkarim Hurramov rossiyalik kuchli raqibini mag'lub etdi

Xitoyning Cindao shahrida sovrin jamg'armasi 300 000 AQSH dollarini tashkil qiluvchi “Masters” seriyasiga kiruvchi nufuzli turnir davom etmoqda.

-100 kg vazn toifasida yurtimiz sharafini himoya qilayotgan Muhammadkarim Hurramov ilk davra bellashuvida rossiyalik Kazbek Zankishievga qarshi bahs olib bordi. Golden Score, yani qo'shimcha daqiqalarda g'olib aniqlangan uchrashuvda Hurramov kuchli raqibini mag'lub etishga muvaffaq bo'ldi.

Malumot uchun, Kazbek Zankishiev yaqinda poytaxtimizda o'tgan Toshkent Gran-pri turnirida oltin medalni qo'lga kiritgan edi. SHu yilning o'zida u Tbilisi Gran-prisida ham chempion bo'lgan. Kazbek shuningdek, joriy dzyudo mavsumida Boku “Katta Dubulg'a” turnirida kumush medalga sazovor bo'lgandi. Birozdan so'ng Muhammadkarim ikkinchi davra bellashuvida gollandiyalik Mishel Korrelga qarshi tatamiga chiqadi.