Mavlud Tifievning Alaverdi Ramazanovga qarshi jang sanasi malum bo'ldi

O'zbekistonlik taniqli muaytay ustasi Mavlud Tifiev dog'istonlik Alaverdi Ramazanovga qarshi ONE FC'dagi ikkinchi jangini qachon o'tkazishini Olamsport.com saytiga malum qildi.

Unga ko'ra, Tifiev 10 mart kuni ONE Championship: One Friday Fights 8 turnirida dog'istonlik jangchiga qarshi o'tkazadi.

Mavlud Tifiev 20 yanvar kuni ONE FC ligasidagi debyut jangida tailandlik Muangtay Saenchayga ochkolar hisobiga ko'ra imkoniyatni boy berib qo'ygandi.

Babyface Killer nomi bilan mashhur bo'lgan Alaverdi Ramazanov professional muaytay bo'yicha jahon chempioni, 12 karra Rossiya chempioni hisoblanadi. U ONE Championship turniridagi ilk jangini 2018 yilning 6 oktyabr kuni tailandlik Petchmorakota Petchindiga qarshi o'tkazib, ochkolar hisobiga ko'ra zafar quchgandi.