"Maxachev bilan jang qilmoqchi edim". Usman dyu Plessiga javob berdi

"Men fevral oyidanoq jang qilishga tayyor edim — o'shandayoq jang so'ragandim. Menga esa: “Biz hali bilmaymiz”, deb javob berishdi. Hammamiz qaysi jangni xohlaganimni yaxshi bilamiz. Men aynan shu jangni istardim. O'ylaymanki, sahna ortida ko'plab jarayonlar bo'lgan. Endi esa Iliya bilan Islam o'rtasida jang tashkil qilishga urinishgani haqida turli gaplarni eshityapmiz. Men esa avvaldanoq Islam bilan jang qilishni xohlaganman.

SHuning uchun bu orqa fondagi ishlar ancha cho'zilib ketdi. Keyin Drikusning nomi tilga olindi. Menga jang taklif qilinmadi, faqat uning nomi aytildi. Men esa: “Ha, mayli. Menga faqat chempionlikka olib boradigan imkoniyat kerak. Men shuni xohlayman. Agar menga titul uchun jang bermasangiz, unda meni titulga yaqinlashtiradigan raqib bering”, dedim.

SHuning uchun bu jang menga taklif qilinmagan, faqat tilga olingan edi. Keyin men: “Xo'p, Mayamida jang qilamiz”, dedim. Hatto buni o'zim so'radim ham. Keyin esa ular: “Ha, Mayami juda yaqin, u tayyor bo'lmasligi mumkin”, deyishdi. Oxir-oqibat ham shunday bo'ldi.

Men jang bekor bo'ldi, umuman bo'lmaydi deb o'ylagandim. Keyin esa: “Ehtimol, jang bo'lib qolar”, degan gaplar chiqdi. Tabiiyki, bunday darajada logistik masalalarni hal qilish kerak bo'ladi va aynan shu ishlar ketgan. Nihoyat, jang rasman elon qilindi. SHunda men: “Jin ursin, bu jang haqiqatan ham bo'ladi shekilli. Unda tayyorgarlikni boshlayman”, dedim", — dedi Usman.

Eslatib o'tamiz, Usman avvaldanoq UFC chempioni Islam Maxachev bilan jang qilish istagini bildirgan edi.