Maxachevga yana P4P reytingi peshqadamligini berishmadi, CHimaev reytingdan chiqarildi

BAAdagi oqshomning markaziy jangida g'alaba qozongan Islam Maxachev vazn toifasidan qatiy nazar tashkilotning P4P reytingida chempion Aleksandr Volkanovskini ortda qoldirdi. Lekin baribir reyting peshqadami Jon Jonsni "taxt"dan tushira olmadi. Jons jang o'tkazmasa-da, P4P reytingi peshqadami bo'lib qoldi. 

SHanba oqshomida o'rta vazn toifasida Kamaru Usmanga qarshi jang o'tkazib g'alaba qozongan Xamzat CHimaev yarim o'rta vazn toifasi reytingidan chiqarildi. U o'rta vazn reytingida bir pog'onaga yuqorilab, 9-o'ringa joylashdi. Mag'lubiyatga uchragan nigeriyalik sobiq chempion esa yarim o'rta vazn reytingida karvonboshilikni davom ettirmoqda. Ammo P4P reytingida 6 pog'onaga pastlab, 13-o'rinni egallab turibdi.