Maydzurudagi yig'in yakunlandi, dzyudochilarimiz ertaga Tokioga ko'chib o'tishadi FOTOGALEREYA

Xabar berganimizdek, ushbu yig'in O'zbekiston milliy olimpiya qo'mitasi hamda Yaponiyaning Maydzuru meriyasi o'rtasida imzolangan Memorandum asosida tashkil etildi va terma jamoamiz uchun aynan Kunchiqar yurtda o'tkaziladigan Jahon chempionatiga so'nggi tayyorgarlik bosqich vazifasini o'tab berdi. 

Bir necha daqiqa avval dzyudochilarimiz Maydzurudagi so'nggi kun mashg'ulotini o'tkazishdi va shu bilan bir haftalik yig'inga yakun yasaldi. Mezbonlar ko'tarinki kayfiyatda jamoamiz azolarini kuzatib qo'yishdi. Ertaga terma jamoamiz delegaciyasi Maydzurudan tezkor poezdda poytaxt Tokioga yo'l oladi. 

Eslatib o'tamiz, dzyudo bo'yicha Jahon chempionati 25-31 avgust kunlari ushbu sport turi vatani - Yaponiyada bo'lib o'tadi. Jahon chempionati g'oliblari Tokio Olimpiadasiga 2000 reyting ochkosini qo'lga kiritishadi.