MDH o'yinlari. Bugun jamoaviy bellashuvlar o'tkaziladi, O'zbekiston 1/2 finaldan boshlaydi

Unda 6 ta terma jamoa medallar uchun tatamiga chiqadi. 

Qura natijasiga ko'ra, O'zbekiston terma jamoasi to'g'ridan-to'g'ri yarim finaldan musobaqaga qo'shiladi. Dzyudochilarimizning 1/2 finaldagi raqibi Rossiya - Belarus uchrashuvidan so'ng malum bo'ladi. Katta ehtimol bilan final chiptasi uchun mezbonlarga qarshi bahs olib boramiz. 

Kecha yakkalik musobaqasida Rossiya terma jamoasi 8 ta oltin, 9 ta kumush, 6 ta bronza medali bilan umumjamoa hisobida birinchi o'rinni egallagan edi. O'zbekiston esa 4 ta oltin, 2 ta kumush, 6 ta bronza, jami 12 ta medal bilan ikkinchi o'rinni band etgandi.

Ikkinchi chorak final juftligida Ozarbayjon va Qirg'iziston terma jamoalari o'zaro to'qnash kelishadi. Ushbu juftlikda g'olib chiqqan terma jamoani yarim finalda Qozog'iston dzyudochilari qarshi oladi.