MDH o'yinlarida 9 davlat orasida 7-o'rindamiz, hozircha + JADVAL

Musobaqaning ikkinchi kungi bahslaridan so'ng O'zbekiston sport delegaciyasi hisobidagi medallar soni roppa-rosa 10 taga etdi. Erkin kurashchimiz Namoz Abdurashidov (125 kg) bronza medaliga sazovor bo'ldi. Yarim finalda mag'lubiyatga uchragan 4 nafar charm qo'lqop ustamiz bronza medallari bilan kifoyalanishdi. Yunon-rum kurashchilarimiz 2 ta kumush, 3 ta bronza medalini qo'lga kiritishdi. Hozircha 10 ta medalga ega bo'lib turgan O'zbekiston sport delegaciyasi MDH o'yinlarida qatnashayotgan 9 davlat sport delegaciyalari orasida 7-o'rinni egallab turibdi. Bugun 7 nafar bokschimizning finalda ringga ko'tarilishini inobatga olsak, jadvalda yana ko'tarilish imkoniyatimiz yuqori ekani oydinlashadi.    

Ayni shu daqiqalarda Rossiya terma jamoasi medallar jamg'arish bo'yicha katta farq bilan peshqadamlik qilyapti. Mezbonlar 21 ta oltin, 6 ta kumush, 6 ta bronza, jami 33 ta medalni qo'lga kiritib ulgurishgan. Ozarbayjon 6 ta oltin, 4 ta kumush, 11 ta bronza medali bilan ikkinchi o'rinni band etgan. Ikkita oltin, 6 ta kumush, 6 ta bronza medaliga ega Belarus delegaciyasi kuchli uchlikka yakun yasagan. Bizdan avvalgi o'rinlarni Qirg'iziston va Qozog'iston terma jamoalari egallashgan. Qozog'istonning umumiy 28 ta medalidan 23 tasi bronza ekanligi diqqatga sazovor.