Medalciz yakunlangan kundan so'ng O'zbekiston paralimpiyachilarining umumjamoa hisobidagi o'rni o'zgardimi?

Kechagi kun dasturida o'zbekistonlik paralimpiyachilar medal qo'lga kirita olishmadi. Bugungi kun oldidan O'zbekiston sport delegaciyasi 6 ta oltin, 4 ta kumush, 4 ta bronza medali bilan umumjamoa hisobida 10-o'rinni egallab turibdi. Kecha 9-pog'onadan joy olgandik. 

Xitoy Respublikasi 53 ta oltin, 40 ta kumush, 22 ta bronza, jami 115 ta medal bilan ro'yxatda katta ustunlik bilan peshqadamlik qilyapti. CHin yurti vakillari kechagi bahslarda ham bir kun oldingi kunda bo'lgani kabi 10 ta oltin medal qo'lga kiritishdi. Bu bilan ularning umumiy medallari soni 100 tadan oshdi. O'ttizta oltin, 18 ta kumush, 13 ta bronza medaliga ega Buyuk Britaniya ikkinchi o'rinni egallab turibdi. AQSH sportchilari 20 ta oltin, 22 ta kumush, 11 ta bronza medali bilan kuchli uchlikka yakun yasashgan. Braziliya delegaciyasi 14 ta oltin, 11 ta kumush, 23 ta bronza medali to'rtinchi pog'onadan joy olgan.  

Bizdan avvalgi o'rinlarni Franciya, Avstraliya, Italiya, Ukraina va Niderlandiya terma jamoalari band etgan. Kecha 4 ta oltin medal qo'lga kiritgan Ukraina 10-pog'onadan 7-o'ringa ko'tarilib oldi. Ukrainaning umumiy medallari soni 45 taga etdi. Jami 53 davlat delegaciyalari hisobida kamida 1 tadan oltin medal bor. Kamida 1 ta bronza medalini qo'lga kiritgan davlatlar soni 72 taga etdi.