Medallar jamg'arish bo'yicha O'zbekiston paralimpiyachilari nechanchi o'rinda?

Kechagi kun dasturida o'zbekistonlik paralimpiyachilar bitta kumush medal qo'lga kiritishgandi. To'pponchadan o'q otish bahslarida Server Ibragimov jamoamizga Parij-2024 Paralimpiya o'yinlaridagi 15-medalni taqdim etgandi. Hozircha O'zbekiston sport delegaciyasi 6 ta oltin, 5 ta kumush, 4 ta bronza medali bilan umumjamoa hisobida 12-o'rinni egallab turibdi. Kecha 9-pog'onadan joy olgandik. 

Xitoy Respublikasi 64 ta oltin, 49 ta kumush, 29 ta bronza, jami 142 ta medal bilan ro'yxatda katta ustunlik bilan peshqadamlik qilyapti. CHin yurti vakillari kechagi bahslarda 11 ta oltin medal qo'lga kiritishdi. O'ttiz uchta oltin, 25 ta kumush, 19 ta bronza medaliga ega Buyuk Britaniya ikkinchi o'rinni egallab turibdi. AQSH sportchilari 25 ta oltin, 29 ta kumush, 13 ta bronza medali bilan kuchli uchlikka yakun yasashgan. 

Bizdan avvalgi o'rinlarni Germaniya, Ispaniya, Avstraliya, Italiya, Ukraina, Braziliya, Niderlandiya va Franciya terma jamoalari band etgan. Jami 59 davlat delegaciyalari hisobida kamida 1 tadan oltin medal bor. Kamida 1 ta bronza medalini qo'lga kiritgan davlatlar soni 78 taga etdi.