Medallar jamg'arish bo'yicha Yaponiya birinchi, O'zbekiston 13-o'rinni egalladi

Bir hafta davom etgan yilning eng nufuzli musobaqasi yakunida kutilganidek, mezbonlar medallar jamg'arish bo'yicha umumjamoa hisobida birinchi o'rinni egallashdi. Yaponiyalik dzyudochilar 4 ta oltin, 6 ta kumush, 5 ta bronza medali bilan birinchi bo'lishdi. 

Franciya terma jamoasi 3 ta oltin va 2 ta bronza medali bilan ikkinchi o'rinni egalladi. Kuchli uchlikka bittadan oltin va kumush medalni qo'lga kiritgan Portugaliya terma jamoasi yakun yasadi. 

Keyingi pog'onalardan Gollandiya, Gruziya, Kanada, Isroil, Ukraina va CHexiya terma jamoalari joy olishdi. Nomlari tilga olingan davlat dzyudochilari uyga kamida bitta oltin medal bilan qaytishdi. Yani, 9 ta davlat sportchilariga jahon chempionatining oltin medali nasib etdi. 

Rossiya terma jamoasi 2 ta kumush va bitta bronza medali bilan 10-pog'onani band etdi. Belgiya, Kuba, O'zbekiston terma jamoalari bittadan kumush medal bilan keyingi o'rinlardan joy egallashdi. Umuman olganda, 25 ta mamlakat terma jamoalariga jahon chempionatining kamida bitta bronza medali nasib etgan.