Medallari sonini 14 taga etkazgan O'zbekiston paralimpiyachilari umumjamoa hisobida nechanchi o'rinda?

Kechagi kun dasturida o'zbekistonlik paralimpiyachilar 1 tadan oltin, kumush va bronza medallarini qo'lga kiritishdi. Bugungi kun oldidan O'zbekiston sport delegaciyasi 6 ta oltin, 4 ta kumush, 4 ta bronza medali bilan umumjamoa hisobida 9-o'rinni egallab turibdi. 

Xitoy Respublikasi 43 ta oltin, 30 ta kumush, 14 ta bronza, jami 87 ta medal bilan ro'yxatda katta ustunlik bilan peshqadamlik qilyapti. CHin yurti vakillari kechagi bahslarda 10 ta oltin, 3 ta kumush, 6 ta bronza medali qo'lga kiritishdi. Yigirma to'qqizta oltin, 15 ta kumush, 10 ta bronza medaliga ega Buyuk Britaniya ikkinchi o'rinni egallagan. AQSH sportchilari 13 ta oltin, 19 ta kumush, 10 ta bronza medali bilan kuchli uchlikka yakun yasashgan. Braziliya delegaciyasi 12 ta oltin, 8 ta kumush, 18 ta bronza medali to'rtinchi pog'onadan joy olgan.  

Bizdan avvalgi o'rinlarni Franciya, Avstraliya, Italiya va Niderlandiya terma jamoalari band etgan. Top-10`talikka yakun yasagan Ukraina terma jamoasi 5 ta oltin, 12 ta kumush, 18 ta bronza medaliga ega bo'lib turibdi. Jami 48 davlat delegaciyalari hisobida kamida 1 tadan oltin medal bor. Kamida 1 ta bronza medalini qo'lga kiritgan davlatlar soni 68 taga etdi.