02 dek 09:30
Yangiliklar

Boks/MMA

Meliqo'ziev Golden Boy tomonidan "Yil nokauti"ga loyiq ko'rildi

Golden Boy promouterlik kompaniyasi bir nechta nominaciyalarda yakunlanib borayotgan 2022 yilgi boks mavsumining eng yaxshilarini elon qildi.

Etiborga molik jihati shundaki, charm qo'lqop ustamiz Bektemir Meliqo'ziev kompaniya tomonidan "Yil nokauti" nominaciyasida g'olib deb topildi.

Bektemir shu yil 20 mart tongida AQSHning Los-Anjelesida o'tkazilgan prof boks oqshomida perulik David Zegarrani ikkinchi raundda texnik nokautga uchratgan edi. O'shanda BEK raqibining jigariga kuchli zarba yo'llab, 10 raundga mo'ljallangan jangni muddatidan avval yakuniga etkazgandi.

"Bektemir hamisha yorqin jang ko'rsatishga harakat qilgan. Biz undan 2023 yilda ilk chempionlik jangini kutib qolamiz. Bu Meliqo'ziev uchun boshlanishi", - deyiladi Golden Boy promouterlik kompaniyasi tabrigida.