01 jan 12:16
Yangiliklar

Boks/MMA

Menni Pakyao yangi promoushen bilan shartnoma imzoladi

Professional boks afsonalaridan biri Menni Pakyao Yaponiyaning Rizin FF promousheni bilan shartnomaga imzo chekdi.

Filippinlik bokschi keyingi jangini Rizin Fighting Federation promousheni bayrog'i ostida o'tkazadi. Bu haqda 44 yoshli bokschining shaxsan o'zi kecha Tokioda bo'lib o'tgan Rizin 40 turnirida xabar berdi.

"Bir necha oy oldin bu erda mehmon sifatida bo'lgandim. Bugun esa sizlarga qiziq xabarim bor. Men Rizin bilan kelishib oldim. Tez orada ushbu promoushenda o'tkazadigan ilk jangimning sanasi hamda raqib nomini elon qilamiz. Yaponiyalik raqibga qarshi o'tkaziladigan jangni intizorlik bilan kutyapman", - dedi Pakyao.