Merab Dvalishvili: "Nurmagomedov kamar uchun jangga haqli emas!"

Gruziyalik aralash yakkakurash ustasining fikricha, rossiyalik Umar Nurmagomedov chempionlik jangi uchun haqli emas ekan.

"U Top-15`dagi faqat bir yigit bilan jang o'tkazgan. Kori Sendxagen unga etarlicha muammo tug'dira oldi. Qanday qilib unga reytingda ikkinchi o'rinni berishdi? Ha, u g'alaba qozondi. Yaxshi jangchi bo'lishi mumkin, lekin chempionlik jangiga loyiq emas. Undan ko'ra Figeyreduga bu imkoniyatni berish kerak. U uch nafar kuchli jangchilarni mag'lub etib, bunga xaqli ekanini isbotladi", — dedi Dvalishvili.

Malumot uchun, Umar Nurmagomedov MMAda jami 18 ta jang o'tkazib, barchasida g'alaba qozongan. Janglarining teng yarmini muddatidan avval yakunlagan.