Merab Dvalishvili tarixiy UFC rekordini yangilashga tayyor

Bu gruziyalik chempion uchun 2025 yil hisobidan to'rtinchi chempionlik himoya jangi bo'ladi. 

"Bu ajoyib jang bo'ladi. U sobiq chempion, unda UFC oktagonida qo'lga kiritilgan ko'plab g'alabalar bor. Janglar orasida haqiqatan ham qisqa vaqt bor, lekin bu yaxshi - men bandman va mart oyida yana jang qilishga tayyorman. Fevral oyida Avstraliyada turnir bo'ladi, lekin u erda menga jang berishmaydi deb o'ylayman. Mart oyi esa ideal muddat", - dedi gruziyalik jangchi Ariel Xelvaniga bergan intervyusida.

Dvalishvili ikki yarim yil oldin oktagonda to'qnash kelgan rossiyalik raqibini ochiqchasiga yomon ko'rgan. Ammo chempionning takidlashicha, dushmanchilik ortda qolgan.

"Men unga normal munosabatdaman. Uni yaxshi jangchi va oilaparvar inson sifatida juda hurmat qilaman - uning chiroyli oilasi, ikki farzandi bor, u yaxshi ota. Barakalla! Umid qilamanki, endi u inson sifatida yaxshi bo'lib qoladi", - deya vaziyatga izoh berdi Dvalishvili.

Eslatib o'tamiz, Merab Dvalishvili 2023 yilda hakamlarning yakdil qaror bilan Petr Yanni mag'lub etgandi. Agar u yana rossiyalikni mag'lub eta olsa, o'z nomini tarixga yozdirib qo'yadi. Boisi, Merab bir kalendar yilida to'rtta muvaffaqiyatli chempionlik himoyasini o'tkazgan dunyoning birinchi UFC jangchisiga aylanadi.

"Yutqazishdan qo'rqmayman. Men jangchiman va barcha janglarda g'alaba qozona olmasligimni tushunaman, lekin ishimni yaxshi ko'raman. Yuqorida aytganimdek, menga jang tayinlanganida, ko'proq diqqatni jamlayman, sog'lom turmush tarzini olib boraman va shunchaki yaxshiroq bo'lishni xohlayman", - deya so'zlariga yakun yasadi chempion.