Millatlar kubogida konkurchilarimizning navbatdagi g'alabasi

“Universal Horses Stable”  mezbonlik qilayotgan musobaqaning ortda qolgan ushbu kunida barchaning diqqat-markazi 150 sm balandlikdagi to'siqlardan sakrash dasturiga qaratildi. Bahslar yakunigacha barchani katta hayajonda ushlab turgan dasturda Xurshidjon Alimjonov g'alaba qozondi. 

“Chempions Ligas” tulpori bilan harakat qilgan Alimjonov 91.45 soniya qayd etishga erishdi. Ikkinchi o'rin “Kalleko” bilan harakat qilgan Saidamirxon Turg'unboevga nasib etgan bo'lsa, “Bazart De Ruet”  oti Azam Tolibboevga uchinchi o'rinni taqdim qildi. Ahamiyatlisi, keyingi pog'onalar ham yurtdoshlarimiz Nurjan Tuyakbaev (“Kvintes NV”) va Bekzod Qurbonovga (“Mats VG”) nasib etdi. Bellashuvlar davom etadi.