"Milliy gvardiyachilar" Islom Karimov muzeyida FOTOGALEREYA

O'zbekiston Respublikasi Milliy gvardiyasi “Dinamo” sport kurashlari bo'yicha ixtisoslashtirilgan olimpiya zaxiralari maktabi, ixtisoslashtirilgan o'quv Markazi bilan hamkorlikda Buyuk davlat va siyosat arbobi, mustaqil davlatchiligimiz asoschisi, O'zbekistonning birinchi Prezidenti muhtaram Islom Abdug'anievich Karimov nomidagi muzeyga tashrif buyurishdi. 

Muzeyga sayyohat davomida birinchi Prezidentimizni xotirlab xarbiy xizmatchi va sportchilar bilan esdalik uchun fotosuratga tushildi. SHu bilan birga yodgorlik majmuasi tarkibiga kiradigan muzey, ilmiy-tadqiqot va talim markazi hamda kutubxonaga ekskursiya qilindi. 

O'zbekiston Respublikasi birinchi Prezidentining mustaqillikka erishishga qo'shgan ulkan hissasi, bu insonning tarixiy roli, jahon xamjamiyatidagi obro'si, shuningdek, hayoti va faoliyati bilan tanishildi. 

SHu bilan birga “Dinamo” JTSJKning boks zalida O'zbekiston Respublikasi Yoshlar ittifoqi Mirzo Ulug'bek tumani Kengashi hamda O'zbekiston Respublikasi Milliy gvardiyasi “Dinamo” JTSJK, sport kurashlari bo'yicha ixtisoslashtirilgan olimpiya zaxiralari maktabi, Ixtisoslashtirilgan o'quv markazining harbiy xizmatchilari bilan Milliy gvardiya bo'linmalarida xizmat o'tayotgan professional, xalqaro arenalarda yuqori natijalarga erishgan sportchilar bilan birgalikda “Master klass” tadbirlari o'tqazildi. 

Mahorat saboqlarini ikki karra jahon chempioni, ikki bor Osiyo o'yinlari g'olibi, “Mehnat shuhrati” ordeni sohibi, O'zbekistonda xizmat ko'rsatgan sportchi, mayor Elshod Rasulov, uch karra Olimpiya o'yinlari sovrindori, ikki karra Jahon chempioni, “O'zbekiston iftixori”, “El-yurt hurmati” ordeni, “O'zbekiston” belgisi ko'krak nishoni sohibi, O'zbekistonda xizmat ko'rsatgan sportchi, mayor Rishod Sobirov, ikki karra Osiyo chempioni, Osiyo o'yinlari g'olibi, Jahon chempionati sovrindori, serjant Baxodir Jalolov, “Dinamo” sportchilari Murodjon Ahmadaliev, Sanjar Tursunov, Dilshod Ro'zmetov, boks bo'yicha milliy terma jamoa katta murabiyi, “Uzbek Tigers” bosh murabbiyi To'lqin Qilichev o'tqazishdi.

Bu orqali yoshlarni jismoniy tarbiyaga keng jalb qilish, sport turlarini ommaviylashtirish, yoshlar o'rtasida huquqbuzarlik, jinoyatchilik, giyohvandlikning oldini olish, ularni turli salbiy tasirlardan saqlash, bo'sh vaqtlarini mazmunli o'tkazishlarini taminlashga urg'u qaratildi.