23 dek 15:52
Yangiliklar
Boshqalar, Tadbirlar
Milliy olimpiya qo'mitasida “Sportda dopingga qarshi kurash” mavzusida seminar bo'lib o'tdi
Xabar berib o'tganimizdek, 21-23 dekabr kunlari O'zbekiston og'ir atletika federaciyasi sportning ushbu turi murabbiy va mutaxassislari uchun xalqaro seminar o'tkazdi.
Poytaxtimizdagi “Miran” mehmonxonasining anjumanlar zali seminarning dastlabki ikki kuniga mezbonlik qildi. Unga xalqaro ekspertlar ham taklif etilgan bo'lib, ular og'ir atletikaga oid turli mavzularda nazariy mashg'ulotlar o'tkazishdi.
Jumladan, serbiyalik
Milan Mixaylovich “Milliy federaciyalarda sport administraciyasi” va “Og'ir
atletika bo'yicha texnik qoidalar” mavzularida seminar tinglovchilariga
saboq bergan bo'lsa, rossiyalik Vladimir Saltikov ikki kun davomida asosan
hakamlar bilan ishladi. SHuningdek, Mintaqaviy antidoping agentligi
(MADA) vakili qozog'istonlik Kulman Nisanbaeva ham seminarga taklif
etilgan edi.
Seminarning so'nggi kuni
Milliy olimpiya qo'mitasida bo'lib o'tdi. “Sportda dopingga qarshi kurash”
mavzusida tashkil etilgan anjumanga nafaqat og'ir atletika, balki olimpiya
oilasiga taluqli boshqa sport federaciya va associaciyalar bosh kotiblari,
terma jamoa bosh murabbiylari va jamoa shifokorlari ham talkif
etilishgandi.
Tadbirni MOQ Bosh kotibi
Oybek Kasimov olib bordi. Jismoniy tarbiya va sport davlat qo'mitasi
raisi Rustam Qurbonov so'zga chiqib, dopingga qarshi kurash masalasi bugungi
kunda nihoyatda dolzarb mavzu ekanligiga urg'u berdi.
SHuningdek, joriy
yilning o'zida mamlakatimizda sport sohasini rivojlantirishga doir
davlatimiz rahbarining 9 ta qaror va farmonlari elon qilingani, ushbu
hujjatlar asosida yurtimizda nafaqat professional, balki ommaviy
sportning rivojlanishiga ham alohida etibor qaratilishi, eng nufuzli
xalqaro musobaqalarda yurt shanini ulug'layotgan sportchi va murabbiylarimiz
rag'batlantirib borilishi xaqida gapirdi.
Seminarga maxsus taklif
etilgan qozog'istonlik xalqaro ekspert Kulman Nisanbaeva esa o'z
maruzasida sportda dopinga qarshi kurashish masalalari, sportchilar
ovqatlanish racionini to'g'ri shakllantirish, taqiqlangan tibbiy preparatlar
mavzusida nutq so'zladi. Tan olish lozim Mintaqaviy antidoping agentligi
vakilining maruzasi ko'pchilikda katta qiziqish uyg'otdi.
Seminar yakunida Oybek Kasimov xalqaro ekspertlar Milan Mixaylovich (Serbiya), Vladimir Saltikov (Rossiya) va Kulman Nisanbaeva (Qozog'iston)larga minnatdorchilik izhor etib, Milliy olimpiya qo'mitasi nomidan esdalik sovg'alarini topshirdi. SHu tariqa O'zbekiston og'ir atletika federaciyasi tomonidan tashkil etilgan uch kunlik xalqaro seminar yakunlandi.
Havola :
Manba : olympic.uz
Fikrlar