Milliy qadriyatimiz - belbog'li kurashda yangi davr boshlanyapti

Poytaxtimizdagi “SHodlik Palas” mehmonxonasida o'tgan tadbirda O'zbekiston Respublikasi Jismoniy tarbiya va sport davlat qo'mitasi masul vakili Bahodir Matnazarov, milliy olimpiya qo'mitasi vakili Azizbek Aliev, xalqaro belbog'li kurash federaciyasi prezidenti Rustam Isoqov, federaciya vice-prezidenti Nodir Rasulov, terma jamoa bosh murabbiyi SHavkat Mirzaqulov va boshqa delegatlar ishtirok etishdi.

Rustam Isoqov raislik qilgan konferenciya kun tartibidan bir nechta muhim masalalar o'rin olgandi. Ulardan biri O'zbekiston belbog'li kurash federaciyasi prezidenti vakolati o'tib ketganligi bois yangi rahbarni tayinlash edi.

Hisobot-saylov konferenciyasi ishtirokchilari O'zbekiston belbog'li kurash federaciyasi raisiga taklif etilgan Umarov Arslan Ablaatovich nomzodini bir ovozdan maqullashdi. Isoqov Rustam Mo'ydinovich esa hamrais vazifasini bajaradigan bo'ldi.

Malumot uchun, avvalgi federaciya raisining vakolati 2016 yilning 26 fevral kuni tugagan edi. Federaciyaning yangi bosh kotibi sifatida Mamurjon Zokirov tanishtirildi. SHavkat Mirzaqulov terma jamoa bosh murabbiyi lavozimida ishlaydi. Bu mutaxassis bir necha yillar davomida belbog'li kurash bo'yicha jahon chempionlarini tarbiyalagan va hozirda ham bu jarayon davom etmoqda.

Ana shunday jahon chempionlaridan biri Zohidjon Ortiqov Hakamlar hayati raisi etib tasdiqlandi. Hisobot-saylov konferenciyasi ishtirokchilari milliy qadriyatimiz hisoblangan belbog'li kurashni yangi bosqichga olib chiqish kabi boshqa muhim masalalarni ham muhokama qilishdi.