26 may 15:43
Yangiliklar
Boks/MMA
Mirafzal Axtamov Dana Uayt davogarlar seriyasida jang qilishi haqida nimalar dedi?
Yarim o'rta vazn toifasida o'zbekistonlik aralash yakka kurash ustasi Mirafzal Axtamovning faoliyatida yana bir yangilik kuzatilishi mumkin.
U avval xabar berganimizdek, UFC'ga saralash musobaqasi bo'lmish - Dana Uaytning davogarlar seriyasida jang qilish arafasida.
Axtamov buni Olamsport.com muxbiri bilan suhbatda yana bir bor tasdiqladi.
"Yaqinlashib kelayotgan ikki haftaning ichida barcha detallar aniq bo'ladi. Hozirda menejerlarim doimiy aloqada bo'lib turibdi. Bilasiz, Dana Uaytning davogarlar seriyasi (DWCS) ikki-uch oylab davom etadi. Xudo xohlasa, shu muddat davomida o'tkaziladigan biror turnirda jang qilaman", dedi Mirafzal Axtamov.
Malumot uchun, 31 yoshli aralash yakka kurash ustasi faoliyati davomida hozirgacha 8 ta jang o'tkazib, 7 ta g'alaba va 1 ta durang qayd etgan.
Havola :
Manba : olamsport.com
Fikrlar