09 jan 09:56
Yangiliklar

Boks/MMA

Mirafzal Axtamov debyut qiladigan, markaziy jangi Usman Nurmagomedov ishtirokida o'tadigan PFL: Road to Dubai turnirining to'liq kardi malum

25 yanvar kuni Dubay (BAA) shahrida MMA bo'yicha PFL: Road to Dubai Champions Series turniri tashkil etiladi.

Ahamiyatlisi, musobaqa doirasida 31 yoshli o'zbekistonlik aralash yakkakurash ustasi Mirafzal Axtamov ham oktagonga ko'tariladi. O'sha kuni "Mirko"ga angliyalik Mayk Tompson raqib bo'ladi. Bu har ikki sportchi uchun yangi ligadagi debyut bahs bo'ladi.

Oqshomning markaziy jangi engil vaznda rossiyalik Bellator chempioni Usman Nurmagomedov hamda irlandiyalik Pol Xyuz o'rtasida kechadi.

Malumot o'rnida, Mirafzal Axtamov hozirga qadar 8 ta jang o'tkazib, 7 g'alaba va 1 ta durang qayd etgan. Mayk Tompson hisobida esa 7 g'alabadan tashqari 2 ta mag'lubiyat ham bor. Axtamov PFL&Bellator ligalari bilan 4 ta jang uchun shartnoma imzolagan.

Turnirning to'liq kardi bilan tanishing: