19 dek 09:33
Yangiliklar

Boks/MMA

Mirafzal Axtamovning Bellator'dagi ilk raqibi malum, hamyurtimiz Usman Nurmagomedov bilan bir kardda jang qiladi

Avval xabar berganimizdek, o'zbekistonlik aralash yakkakurash ustasi Mirafzal Axtamov faoliyatini Bellator ligasida davom ettiradi.

31 yoshli hamyurtimiz Bellator'dagi ilk jangini 25 yanvar kuni Dubay (BAA) shahrida tashkil etiladigan Bellator Champions Series turniri doirasida o'tkazadi. O'sha kuni "Mirko"ga angliyalik Mayk Tompson raqib bo'ladi. Bu Tompson uchun ham yangi ligadagi debyut bahs bo'ladi.

Oqshomning markaziy jangi engil vaznda rossiyalik Bellator chempioni Usman Nurmagomedov hamda irlandiyalik Pol Xyuz o'rtasida kechadi.

Malumot o'rnida, Mirafzal Axtamov hozirga qadar 8 ta jang o'tkazib, 7 g'alaba va 1 ta durang qayd etgan. Mayk Tompson hisobida esa 7 g'alabadan tashqari 2 ta mag'lubiyat ham bor. Axtamov PFL&Bellator ligalari bilan 4 ta jang uchun shartnoma imzolagan.