01 dek 13:04
Yangiliklar
Boks/MMA
Mirazizbek Mirzahalilov Osiyo chempionatining chorak finaliga yo'l oldi
Tailandning CHiangmay shahrida boks bo'yicha kattalar o'rtasidagi ASBC Osiyo chempionatining ikkinchi kungi bellashuvlari start oldi.
57 kg vazn toifasida o'zbekistonlik bokschi Mirazizbek Mirzahalilov turnir doirasida nimchorak final jangini o'tkazdi.
Xitoy vakili Dicheng Liga qarshi kechgan jang to'liq davom etdi va unda hakamlarning yakdil qarori bilan Mirazizbek 5:0 hisobida zafar quchdi. Endilikda vakilimiz chorak final doirasida 5 dekabr kuni tojikistonlik Husravxon Rahimov bilan to'qnash keladi.
Malumot o'rnida, 29 yoshli Mirazizbek Mirzahalilov faoliyati davomida 2019 yil Bangkokda (Tailand) o'tkazilgan Osiyo chempionatida oltin, 2021 yil Dubayda (BAA) o'tkazilgan birinchilikda kumush medalga ega chiqqan.
Havola :
Manba : olamsport.com
Fikrlar