Mirhosil Mirzaboev jahon chempionatida 3 ta kumush medalni qo'lga kiritdi + FOTO

Musobaqa erkaklar o'rtasida +109 kg vazn toifasi vakillarining chiqishlari bilan yakunlandi. Eng og'ir vazn toifasida yurtimiz sharafini Mirhosil Mirzaboev himoya qildi. Kutilganidek, har ikki mashqda ham oltin medal uchun hamyurtimizga eronlik Ali Rizo raqobatchi bo'ldi.

Dast ko'tarish mashqida Mirhosil Mirzaboev 176 kg natija bilan kichik kumush medalga sazovor bo'ldi. U dastlab 165 kg, ikkinchi urinishida esa 170 kg toshni osonlik bilan ko'tardi. So'nggi urinishda Mirzaboev biroz qiynalgan bo'lsa-da, 176 kg og'irlikni ham o'ziga bo'ysundirishga muvaffaq bo'ldi.

Biroq, eronlik Ali Rizo 166, 171 va 177 kg og'irlikni zabt etdi va kichik oltin medalni qo'lga kiritdi. Mirhosil esa kumush bilan cheklanishga majbur bo'ldi.

Siltab ko'tarish mashqida dastlab 201 kg, 207 kg va 212kg toshni ko'tarishni uddalagan Mirhosil bahs yakunlanishidan oldin kamida kumush medalni naqd qilib qo'ydi.

Eronlik atlet birinchi urinishdayoq 215 kg natija qayd etib oltin egasiga aylandi, uchinchi urinishda 239 kg og'irlikni o'ziga bo'ysindirshan Ali Rizo yoshlar o'rtasida yangi jahon rekordini o'rnatdi. Turkmanistonlik Atajan Dayiev (208 kg) kuchli uchlikni yakunlab berdi.

Ikkikurashda kutilganidek eronlik Ali Rizoda(416kg) oltin, Mirzosil 388 kg bilan kumush va dast ko'tarishdagi zahira evaziga ukrainalik Bohdan Tarnenko 374 kg bilan bronza medal sohibiga aylandi.

SHu tariqa, Mirhosil Mirzabaev terma jamoamizga so'nggi (3 ta kumush) medallarni taqdim etdi.

Yoshlar o'rtasida Jahon chempionati. Erkaklar +109 kg

1. Ali Rizo Yusuf (Eron) – 416 (177+239) kg

2. Mirhosil Mirzaboev (O'zbekiston) – 388 (176+212) kg

3. Bohdan Taranenko (Ukraina) – 374 (167+207) kg