MOQ Mudofaa vazirligi, Milliy Gvardiya va Kasaba uyushmalari bilan hamkorlikni mustahkamlaydi

SHu nuqtai nazardan O'zbekiston Milliy olimpiya qo'mitasi prezidenti Rustam SHoabdurahmonov O'zbekiston Respublikasi Milliy gvardiyasi qo'mondonining o'rinbosari, polkovnik Sarvar Mamayusupov, O'zbekiston Respublikasi Mudofaa vazirining o'rinbosari, polkovnik Alisher Norboev hamda O'zbekiston Kasaba Uyushmalari kengashi sport bo'limi boshlig'i Bahodir Tojiev bilan uchrashdi. 

Suhbat samimiy ruhda o'tib, unda sportchilarimizni Osiyo va Olimpiya o'yinlari, jahon chempionati kabi yirik musobaqalarga puxta tayyorlashda yanada chuqur hamkorlik aloqalarini yo'lga qo'yish masalalari ko'rib chiqildi.

Malumki, ko'plab sport turlari bo'yicha terma jamoamiz vakillari bir vaqtning o'zida yuqoridagi tashkilotlarda ham xizmat vazifalarini ado etishadi. 

Suhbat davomida yirik musobaqalar arafasida harbiy sportchilarni funkcional xizmat vazifalaridan ozod qilish, ularni ijtimoiy qo'llab-quvvatlash va rag'batlantirish, yuqoridagi tashkilotlarga qarashli sport bazalarida terma jamoalarimiz uchun o'quv-mashg'ulot yig'inlarini yo'lga qo'yish kabi masalalar bo'yicha atroflicha fikr bildirildi.

Suhbat yakunida mehmonlar MOQ muzeyiga tashrif buyurishdi va ularga Olimpiya o'yinlari tarixi hamda Mustaqilligimiz davrida Olimpiadalarda erishgan muvaffaqiyatlarimiz haqida so'zlab berildi.