MOQ prezidenti JCHga tayyorgarlik ko'rayotgan dzyudochilar bilan uchrashdi FOTO

Xabaringiz bor, 25-31 avgust kunlari Tokio shahrida kelasi yili ushbu mamlakatda o'tkaziluvchi Olimpiya o'yinlariga eng katta reyting ochkosini berishi bilan ahamiyatli bo'lgan jahon chempionati tashkil etiladi. Ayni kunlarda terma jamoamiz azolari tayyorgarlik mashg'ulotlariga zo'r berishgan.

Mashg'ulotga tashrif buyurgan Rustam Mavzurovich dzyudochilarimizning tayyorgarligi bilan yaqindan tanishdi, ular bilan do'stona suhbatlashdi hamda o'z tavsiyalarini berdi. Olimpiya o'yinlarini dzyudo musobaqasi boshlab berishi va ilk medallar aynan ushbu sport turidan o'ynalishini inobatga olsak, dzyudochilarimiz zimmasidagi masuliyat qay darajada ekanligi oydinlashadi. Boisi, ilk kunlardanoq qo'lga kiritilajak medallar delegaciyamizning qolgan sportchilari kayfiyatiga ijobiy tomondan tasir qiladi.     

O'z o'rnida musobaqada ishtirok etuvchi terma jamoa sportchilari hamda ularning murabbiylari ham bu masuliyatni to'la his etayotganlari, jahon chempionatidan medallar hamda qimmatli reyting ochkolari bilan qaytish uchun astoydil harakat qilishlarini takidladilar.

Eslatib o'tamiz, Tokiodagi jahon chempionatida sayyoramizning 5 qitasi, 141 davlatidan jami 835 nafar (506 erkak, 329 ayol) dzyudochi musobaqa medallari ham Olimpiadaning muhim reyting ochkolari uchun tatamiga chiqadi. Jahon chempioni 2000 reyting ochkosini qo'lga kiritadi.